«Мьянманың алтын йөрәге»: Полина Илюшкинаның шәхси күргәзмәсе 3 апрельдә Сандецкий утары паркында узачак

«Мьянманың алтын йөрәге»: Полина Илюшкинаның шәхси күргәзмәсе 3 апрельдә Сандецкий утары паркында узачак

<p> Полина Илюшкинаның «Мьянманың алтын йөрәге» шәхси күргәзмәсе 3 апрельдә республиканың Дәүләт сынлы сәнгать музееның төп бинасы паркында булачак. Тамашачыларга рәсем һәм графика эшләре сериясен тәкъдим итәчәкләр: бер өлеше натурадан, бер өлеше – авторның 2013 елда Мьянма буйлап сәяхәте тәэсирләре буенча язылган. Ачылу тантанасында RENAISSANCE камера оркестры картиналарга аваздаш музыкаль программа башкарачак. </p> <p> Рәссамның әсәрләрендә алтын пагодалар иленең гади халкының чын тормышы сурәтләнгән: күпсанлы монахлар, сәүдәгәрләр, крестьяннарның портретлары, халык тормышыннан көнкүреш һәм урам күренешләре, аларда күп гасырлык мәдәнияткә, архитектурага һәм игелекле, елмаючан бирмалыларның үзләренә соклану чагыла. </p> <p> Полина Илюшкина – ТРның атказанган сәнгать эшлеклесе, Россия Рәссамнар берлеге әгъзасы, халыкара фестивальләр лауреаты, Россиядә һәм чит илләрдә 300 дән артык күргәзмә, пленэр һәм арт-симпозиумнарда катнашучы. </p> <p> ТР башкаласында яшәүчеләрне һәм кунакларны 3 апрельдә 14:00 сәгатьтә, Карл Маркс ур., 64 адресы буенча урнашкан Сандецкий утары паркында көтәләр. Керү ирекле. Ачылу тантанасы төгәлләнгәч, күргәзмә көн ахырына кадәр дәвам итәчәк, дип хәбәр иттеләр ТР ДССМ матбугат хезмәтендә. </p> <p>   </p>

2025-04-01T15:45:00+0300