Зиннәтулла Билалетдинов «Ак Барс»ның баш тренеры вазифасыннан китте

Зиннәтулла Билалетдинов «Ак Барс»ның баш тренеры вазифасыннан китте

<p> </p> <div class="detail-picture"> <img src="/upload/iblock/463/46347bdf5a0a14ad232c8e64a9a79b3a.jpg"> <p class="detail-picture__caption"> Фото: «Ак Барс» ХК матбугат хезмәте </p> </div> Зиннәтулла Билалетдинов «Ак Барс» хоккей командасының баш тренеры вазифасыннан китте. Бу хакта Казан клубының йомгаклау матбугат конференциясе барышында билгеле булды. <p> </p> <p> Үз карарын ул, командага кайтканнан соң, клубта бер генә сезон эшләргә ризалык бирүе белән аңлата. Зиннәтулла Билалетдинов, тренерлык эше күп көч һәм энергия таләп итә, дип билгеләп үтте. </p> <p> «Иң яхшысы – хоккейда эшләвемне дәвам итү, әмма башка форматта», – диде спикер. </p> <p> Үзенең тренерлык карьерасында ул Казан командасы белән, гомумән алганда, 14 сезон дәвамында җитәкчелек иткән. </p> <p> Агымдагы сезонда «Ак Барс» КХЛның Көнчыгыш конференциясе турнир таблицасында дүртенче урынны алды. Гагарин кубогына уеннарда казанлылар, «Автомобилист»ка оттырып, беренче раундта төшеп калдылар. </p> <br>

2024-03-22T13:54:19+0300