Казанның Совет районы халкына буш эш урыннары ярминкәсендә эш табарга ярдәм итәчәкләр

Килүчеләргә хезмәт һәм мәшгульлек турында законнар мәсьәләләре буенча консультацияләр бирәчәкләр

Халыкны эш белән тәэмин итү үзәгенең Совет районы филиалында 26 сентябрьдә буш эш урыннары ярминкәсе узачак. Керү ирекле.

Килүчеләргә район предприятиеләрендәге эш урыннары һәм буш урыннар турында сөйләячәкләр, шулай ук эшкә урнашырга ярдәм итәчәкләр. Моннан тыш, белгечләр хезмәт һәм мәшгульлек турындагы законнар, дәүләт гарантияләре һәм мәшгульлек хезмәтләре буенча сорауларга җавап бирәчәкләр.

Шәһәрлеләрне 10:00 нан 12:00 гә кадәр Р.Зорге урамындагы 102 нче йорт адресы буенча көтәчәкләр. Өстәмә мәгълүматны +7(843) 205-54-53 телефоны буенча белергә була, дип хәбәр иттеләр идарә тармагының матбугат хезмәтендә.

Исегезгә төшерәбез, Татарстан башкаласында эшсезлек дәрәҗәсе алты ай нәтиҗәләре буенча рекордлы минимумга җитте һәм эшче көчләр санының 0,21% ын тәшкил итте. Бу узган ел күрсәткеченнән ике тапкырга диярлек кимрәк. Шәһәрнең мәшгульлек үзәкләренә беренче яртыеллыкта 3 меңнән артык кеше мөрәҗәгать иткән, шуларның 1420се эшкә урнаштырылган. Эшкә алуның уртача вакыты дүрт айдан өч айга кадәр кыскарды.

Шулай ук укыгыз

Барлык яңалыклар