Казанда яшәүче хатын-кыз 3,8 млн сум кредит алган һәм аларны мошенникларга күчергән

Җинаятьчеләр үзләрен банк хезмәткәрләре дип таныштырганнар

Казанда яшәүче хатын-кыз мошенникларның хәйләсенә эләгә һәм аларга 3 млн 800 мең сумнан артык кредитка алган акчасын күчерә.

30 яшьлек зыян күрүченең сүзләренә караганда, аңа банк хезмәткәре булып таныш булмаган ир-ат шалтыраткан. Ул хатын-кызга кемдер аның шәхси мәгълүматы буенча кредит алырга тырышуын әйткән. Мошенник ярдәм тәкъдим итә һәм, акчаны саклап калу өчен, әлеге хатынга аның киңәшләрен үтәргә киңәш итә.

Шулай итеп, ир-ат 3 млн 800 мең сумнан артык күләмдә берничә кредит рәсмиләштерергә һәм акчаларны чит хисап язмасыларына өлешләп күчерергә ышандырган. Соңрак хатын-кыз үзенең аферачылар корбаны булуын аңлый һәм хокук саклау органнарына мөрәҗәгать итә.

«Мәскәү» полиция бүлегендә РФ ҖК 159 маддәсенең 4 нче бүлеге «Мошенниклык» буенча җинаять эше кузгатылган. Хәзер шикләнелүчеләрне эзлиләр, дип хәбәр итә Россия Эчке эшләр министрлыгының Казан буенча матбугат хезмәте.

Ведомствода кабаттан искәртеп үтәләр: мошенниклар корбаны булмас өчен, таныш булмаган кешеләрдән килгән мәгълүматны яңадан тикшерергә кирәк. Акчаны билгесез кешеләргә тапшырырга ярамый.

Шулай ук укыгыз

Барлык яңалыклар