Казанда яшәүче хатын-кыз мошенникларга 627 мең сумнан артык акча күчергән

Зыян күрүчегә билгесез кеше шалтырата һәм үзен банк хезмәткәре дип таныштыра.

Фото: Денис Гордийко

(Казан шәһәре KZN.RU, 29 нчы март). Казанда яшәүче 21 яшьлек хатын-кыз мошенникларга ышанган һәм 627 мең сумнан артык акча югалткан.

Зыян күрүче сөйләвенчә, аңа таныш булмаган кеше шалтыраткан һәм үзен банк хезмәткәре дип таныштырган. Шалтыратучы, мошенниклар кыз исеменә кредит рәсмиләштергәннәр һәм, җинаятьчеләрнең нинди операцияләр үткәргәннәрен аңлар өчен, аңа үзенә дә шундый ук займнар рәсмиләштерергә һәм аларны шунда ук капларга кирәк дип җиткерә.

Казанда яшәүче хатын-кыз билгесез кешегә ышана һәм аның күрсәтмәләрен үти. Кредитка рәсмиләштерелгән акчаны күчерү өчен ул смартфон сатып алган. 7 операция башкарылган – гомумән алганда, кыз җинаятьчеләрнең банк счетына 627 мең сумнан артык акча күчергән.

Үзен алдаганнарын аңлап, зыян күрүче полиция бүлегенең дежур частена мөрәҗәгать итә. РФ Җинаять кодексының 159 нчы маддәсенең 3 нче «Мошенниклык» өлеше буенча җинаять эше кузгатылган, дип хәбәр итә Россия Эчке эшләр министрлыгының Казан буенча идарәсе матбугат хезмәте.

Шулай ук укыгыз

Барлык яңалыклар