Казанлы кредитка алган 1 млн сум акчасын мошенникларга күчергән

Казанлы кредитка алган 1 млн сум акчасын мошенникларга күчергән

<p> </p> <div class="detail-picture"> <img src="https://kzn.ru/upload/iblock/ea2/ea2810ba26630c5aa80d321b6d3b6e0f.jpg"> <p class="detail-picture__caption"> Фото: Марат Мөгыйнов </p> </div> Казанда яшәүче хатын-кыз, мошенниклар тозагына эләгеп, 1 млн сум акчасын югалткан. Җинаятьчеләргә акча күчерү өчен ул кредит рәсмиләштергән, шулай ук смартфон сатып алган. <p> </p> <p> Зыян күрүченең сүзләренә караганда, аферист мессенджерларның берсе аша корбанының директоры исеменнән шалтырата. Моңа кадәр аңа җитәкчесе беркайчан да шалтыратмаган. Элемтә белән проблемалар килеп чыгу сәбәпле, ир-ат аралашуны мессенджерда дәвам итәргә тәкъдим ясый. Ул хатын-кыздан финанс белән бәйле проблемалары булу-булмау турында кызыксына һәм тискәре җавап ала. </p> <p> 20 минуттан соң зыян күрүчегә шулай ук мессенджер аша билгесез кеше шалтырата һәм үзен көч структурасы хезмәткәре дип таныштыра. Җинаятьче хатын-кыз исеменә кредит рәсмиләштерергә тырышулары хакында хәбәр итә. Счетларын саклап калу өчен, зыян күрүчене кредит рәсмиләштерергә һәм шалтыратучыларның реквизитлары буенча акча күчерергә күндерәләр. Моның өчен хатын-кыз 15 мең сумлык смартфон сатып ала. </p> <p> Берникадәр вакыттан соң зыян күрүче үзенең аферистлар корбаны булуын аңлый. Әлеге уңайдан РФ Җинаять кодексының 159 маддәсенең 4 өлеше белән каралган җинаять составы билгеләре буенча җинаять эше кузгатылган, дип хәбәр иттеләр Россия Эчке эшләр министрлыгының Казан буенча идарәсе матбугат хезмәтендә. </p> <br>

2024-03-14T14:22:00+0300