Казанның Киров районында яшәүчеләр йорт хайваннарын котырудан бушлай прививка ясый алачак

Узган ялларда казанлылар 211 эт һәм мәчегә вакцина ясалган

3 март көнне Казан халкы йорт хайваннарын котыру авыруына каршы бушлай прививка ясата алачак. Шулай ук шәһәрнең дәүләт ветеринария берләшмәсе белгечләре этләрне чиплау һәм теркәү процедурасын үткәрәчәк.

Иртәгә, 3 майда, мобиль пункт Адмираллар бистәсендә (32 нче мәктәп янында) эшләячәк. Вакцинация, чиплау һәм теркәү 10:00 нан 12:00 гә кадәр оештырыла.

Узган ялларда казанлылар 211 йорт хайванын вакциналаган, ә 138 этне чиплаган. Февральдән барлыгы 3580 чипланган эт теркәлгән, дип хәбәр иттеләр ТР башкаласының дәүләт ветеринария берләшмәсендә.

Өстәмә мәгълүматны +7(843) 234-75-61 телефоны буенча белергә һәм ветеринария табибы белән киңәшләшергә була.

Шулай ук укыгыз

Барлык яңалыклар