Казанлылар эшмәкәрлек буенча уку программалары уза алачак

Чаралар 14 яшьтән 17 яшькә кадәрге яшьләргә һәм яңа эш башлаучы эшмәкәрләргә юнәлдерелгән.

Фото: Денис Гордийко

(Казан шәһәре KZN.RU, 15-нче сентябрь). 1-нче сентябрьдән 20-нче декабрьгә кадәр Татарстанда «Эшкуарлыкны популярлаштыру» проекты гамәлгә ашырыла. Казанда яшәүчеләр эшкуарлыкны үстерүгә ярдәм итүгә юнәлтелгән чараларда катнаша алачак, алар арасында эшлекле уен, яшьләр өчен мәгълүмати - белем бирү сменасы, шулай ук өйрәтү курслары булачак.

14 яшьтән 17 яшькә кадәрге яшьләр өчен эшкуарлык эшчәнлеге нигезләре буенча укыту курслары оештырылачак. Катнашу өчен сылтама буенча теркәлү узарга кирәк. Шулай ук «Мәктәп укучылары өчен бизнес нигезләре» онлайн-уены да булачак. Моннан тыш, Татарстан Республикасы Мәгариф һәм фән министрлыгы ярдәме белән яшьләр өчен эшмәкәрлек, финанс һәм кулланучылар грамоталыгы буенча IV Республика олимпиадасы уздырыла. Катнашу өчен сайтта теркәлү узарга кирәк. Шулай ук октябрьдә яшьләр өчен мәгълүмати - белем бирү сменасы оештырылачак, чара турында тулырак сайттан белешмә алырга була.

Эшкуарлык эшчәнлеген башларга ниятләүче казанлылар да белем ала алачак. Эш башлаучы эшмәкәрләр «Фабрика– старт» программасын сылтама буенча карый ала. Эшмәкәрлек компетенцияләренең дәрәҗәсен сылтама буенча электрон автоматлаштырылган тест үтеп тикшерергә мөмкин.

«Эшкуарлыкны популярлаштыру» төбәк проекты «Кече һәм урта эшкуарлык һәм шәхси эшкуарлык эшчәнлегенә ярдәм күрсәтү» милли проекты кысаларында Татарстан Республикасы Икътисад министрлыгы һәм Татарстан Республикасы эшмәкәрлекне яклау фонды тарафыннан гамәлгә ашырыла.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар