Казанда яшәүчеләр Бишбалта бистәсендә урнашкан Балыкчы бакчасын төзекләндерү вариантларын тәкъдим итә алалар

Концепция буенча җәмәгатьчелек фикер алышуы 19-нчы февральдә узачак.

(Казан шәһәре KZN.RU, 10-нчы февраль). 19-нчы февральдә Казанның Яшьләр үзәгендә, элеккеге Машина төзүчеләр мәдәният йортында, Бишбалта бистәсендәге Балыкчы бакчасын төзекләндерү концепциясе буенча җәмәгатьчелек фикер алышуы узачак. Территорияне төзекләндерү 2020 елга җәмәгать киңлекләрен үстерү программасы кысаларында планлаштырылган.

Паркта актив ял итү һәм җәяү йөрү зоналары, зур чаралар үткәрү урыны, спорт мәйданчыклары булдыру һәм арт-объектлар урнаштыру планлаштырыла. Балыкчы бакчасын төзекләндерү концепциясен Казан мэриясе каршындагы архитекторлар төркеме эшләде.

Шәһәр халкы, активистлар, җирле җәмәгатьчелек вәкилләре, эшмәкәрләр һәм әлеге иҗтимагый киңлекнең киләчәгенә битараф булмаган һәркем үз идеяләрен җиткерә алачак.

Иҗтимагый фикер алышу түбәндәге адрес буенча узачак: Кече Мәскәү ур., 15. Чара 19.00 сәгатьтә башлана, дип хәбәр иттеләр Киров һәм Мәскәү районнары администрациясе матбугат хезмәтендә.

Шулай ук укыгыз

Барлык яңалыклар