Казан халкы юлларны ремонтлауны тикшерә ала

Чарада катнашу өчен гаризаны 19 нчы апрельгә кадәр җибәрергә кирәк.

Фото: Денис Гордийко

(Казан шәһәре KZN.RU, 17 нче апрель). Татарстан башкаласында яшәүчеләр юлларны капиталь һәм чокырларны ремонтлауны тикшерә алачак. Чарада катнашучылар эшләрнең этапларын күрәчәкләр, аларны кем һәм ничек контрольдә тотуын беләчәкләр, шулай ук белгечләргә кызыксындырган сораулар бирәчәкләр.

Инициатив төркемгә керү өчен, сылтама буенча анкета тутырырга кирәк. Гаризалар 19 нчы апрельнең 17:00 сәгатенә кадәр кабул ителә. Совет районы администрациясе чарада катнашучыларны билгеләячәк һәм алар белән очрашуның датасын һәм вакытын килештерәчәк. Үзең белән балаларны алырга була – аларга махсус техникада йөрү кызык булачак, дип хәбәр итә район администрациянең матбугат хезмәте.

Исегезгә төшерәбез, кыш көне казанлылар кар җыю сыйфатын тикшерделәр. Очрашу вакытында алар зур техникада йөреп, кар эретү пунктында булды. Очрашуның темасы очраклы гына сайланмаган – хәзер администрация кешеләрдән юлларны ремонтлау буенча күп сораулар ала. Шул ук вакытта шәһәр халкын эшләр башкарылачак участоклар гына түгел, гарантия сроклары, ремонт этаплары, шулай ук кулланыла торган материаллар да борчый.

Шулай ук укыгыз

Барлык яңалыклар