ТР башкаласында яшәүчеләр өчен ВИЧ-инфекциягә ике көн бушлай тест үткәрәчәкләр

Тест-мобильләр Горький исемендәге паркта һәм Бауман урамында урнашачак.

Фото: Марат Мөгыйнов

(Казан шәһәре KZN.RU, 20 нче март). 23 нче һәм 24 нче мартта ТР башкаласында яшәүчеләр ВИЧ-инфекциягә аноним рәвештә экспресс-тест уза алачак. Теләге булганнар өчен сәламәтлек экспресс-скринингы, социаль хезмәткәр һәм психолог консультацияләре оештырыла.

Пәнҗешәмбе көнне тест-мобильләр Горький исемендәге паркта «Хезмәт резервлары» стадионы каршында, җомга көнне Бауман урамындагы сәгать янында эшләячәк. Процедураны 12:00 дән 16:00 гә кадәр үтәргә мөмкин булачак, дип хәбәр итә оештыручылар.

«Җиңү өчен тест. Ярдәм янәшә» проекты Республика СПИД һәм йогышлы авыруларны профилактикалау һәм аларга каршы көрәш үзәге һәм «Яңа гасыр» хәйрия фонды тарафыннан Президент грантлары фонды акчасына тормышка ашырыла.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар