Павлюхин урамы буенча вәхшиләр тарафыннан ватылган тукталыш павильоны төзәтелде

Шәһәрлеләрне җәмәгать киңлекләренә һәм төзекләндерү объектларына сакчыл карарга өндиләр.

(Казан шәһәре KZN.RU, 27-нче август). Казанда Павлюхин урамындагы тукталыш павильоны торгызылган, аның пыялалары вәхшиләр тарафыннан ватылган иде.

Элегрәк социаль челтәрләрдә вәхшиләрнең тукталыш өстендә «эшләүләре», павильонның арткы пыяла өлешен җимерүләре турында хәбәр пәйда булды. Хәзер тукталыш павильоны төзәтелгән. Моны оператив рәвештә эшләү тукталыш реклама конструкциясе булып торганга һәм реклама фирмасына (бүгенге көндә шәһәрдә 95 тукталыш реклама агентлыклары һәм компанияләре хисабына хезмәт күрсәтелә) караганга ирешелгән. Тукталыш өстәмә функцияләр башкармаган очракта, аны тиз арада торгызу шактый катлаулы, чөнки өстәмә финанслау таләп ителә, димәк, алыштыру процессы сузылырга мөмкин.

Шәһәр хакимияте шәһәрлеләрне иҗтимагый киңлекләргә, төзекләндерү объектларына һәм кече архитектура формаларына сакчыл карарга чакыра. Бары тик уртак тырышлык белән генә шәһәрне чиста тотып һәм төзекләндереп була.

Шәһәр хуҗалыгы өлкәсендәге проблемалар турында битараф булмаган кешеләр «Халык контроле» системасына яисә шәһәр Мэриясенең интернет-кабул итү бүлмәсенә хәбәр итә ала. ТКХ өлкәсендәге проблемалар турында гаризаларны «Ачык Казан» системасында яки бердәм диспетчерлык 063 яки 236-4-123 телефоннары аша калдырырга мөмкин.

Шулай ук укыгыз

Барлык яңалыклар