Казан халкына гепатит С һәм ВИЧка бушлай тест уздырачаклар

Тест-мобиль шәһәрнең ике мәйданчыгында даими эшләячәк

Февральдән июньгә кадәр Татарстан башкаласында барлык теләүчеләрне бушлай һәм аноним рәвештә ВИЧ һәм гепатит С га тикшерәләр. Тест-мобиль даими рәвештә Бауман урамында сәгать астында (Пушкин ур., 11) һәм Горький паркында («Трудовые резервы» стадионы каршында) кизү торачак.

Беренче мәйданчыкта шәһәрлеләрне бүген, 14 февральдә, 17:00 гә кадәр көтәләр. Монда ук 28 февральдә, 7 һәм 21 мартта 13:00 дән 17:00 гә кадәр тикшерү узарга мөмкин.

Горький паркында тест-мобиль 21 февральдә, 14 һәм 28 мартта 13:00 дән 17:00 гә кадәр эшләячәк.

Проект гражданлык җәмгыятен үстерү өчен алынган Татарстан гранты акчасына гамәлгә ашырыла.

Исегезгә төшерәбез, тестны шулай ук СПИД һәм йогышлы авыруларны профилактикалау һәм аларга каршы көрәш буенча республика үзәгендә Николай Ершов ур., 65 адресы буенча узарга мөмкин. Гражданнарны кабул итү эш көннәрендә 8:00 дән 19:00 гә кадәр, шимбә көнне – 9:00 дән 14:00 гә кадәр алып барыла.

Шулай ук укыгыз

Барлык яңалыклар