«Җиләкле: җиләкле очрашулар»: казанлыларны җиләкләр фестиваленә чакыралар

Программада скоморохлар, җирле диджейлар чыгышы һәм бик күп җиләк

Бу якшәмбе көнне, 20 июльдә, Казанда Җиләк бистәсе территориясендә «Җиләкле: Җиләкле очрашулар» җиләкләр фестивале узачак. Казанлылар төрле өлгергән җиләкләр сатып ала, скоморохлар һәм җирле диджейларның чыгышларын карый алачак.

Республиканың бай җиләк традициясенә багышланган фестивальдә шәһәр халкы һәм кунаклары төрле җиләкләр: җир җиләге, карлыган, кура җиләге, караҗиләк, күк җиләк, зелпе, шулай ук кайнатма, соклар, туңдырма һәм җиләкле Гонконг вафлиларын таба алачак. Барлык товарлар да Татарстан территориясендә җитештерелгән.

Казанлыларга җәйге атмосферага чумарга бәйрәм программасы ярдәм итәчәк. Фестиваль кунаклары өчен скоморохлар, җирле диджейлар һәм алып баручылар чыгыш ясаячак.

Шунысын да билгеләп үтәргә кирәк, тарихи Җиләк бистәсендә тарихы XVI гасырдан башланган Жиләкле авылы урнашкан. Авыл элек-электән үзенең җиләк плантацияләре һәм уңдырышлы җирләре белән дан тоткан.

Фестивальдә теләгән һәркем катнаша ала. Халыкны 10:00 дән 16:00 гә кадәр Краснококшайск ур., 123 адресы буенча көтәчәкләр.

Элегрәк хәбәр ителгәнчә, «Елмай» балалар паркында 19 июльдә «Бөке» рок-фестивале узачак. Казанлылар өчен 15 музыкаль коллектив чыгыш ясаячак. Фестивальнең хедлайнеры Казанның танылган «Мураками» төркеме булачак.

Шулай ук укыгыз

Барлык яңалыклар