«Зенит-Казан» дөнья клуб чемпионатында бишенче тапкыр уйнаячак

Команда җиңү өчен Бразилиянең «Крузейро», Иранның «Варамин» һәм Италиянең «Чивитанова» клублары белән көрәшәчәк.

(Казан шәһәре KZN.RU, 4-нче октябрь). «Зенит-Казан» волейбол клубы дөнья клуб чемпионатында бишенче тапкыр уйнаячак. Ярышлар 3-8-нче декабрьдә узачак.

Җиңү өчен Көньяк Америка чемпионы – Бразилиянең «Крузейро» клубы, Азиянең иң көчле клубы – Иранның «Варамин»ы һәм Европа Чемпионнар лигасы финалистлары – Италиянең «Чивитанова»сы һәм «Зенит-Казан» көрәшәчәк, дип хәбәр итә Казан волейбол командасы матбугат хезмәте.

Башта командалар бер-берсе белән әйләнеш буенча уйнаячак, аннары ярымфинал уеннары, өченче урын өчен һәм финал уеннары узачак.

«Зенит-Казан» инде җиде тапкыр дөнья клуб чемпионатларында катнашты. Ике тапкыр команда турнирның көмеш призеры һәм ике тапкыр бронза медаль иясе булды (2009, 2011). 2017 елда Польшада Владимир Алекно җитәкчелегендә Казан клубы чемпионат җиңүчесе булды.

Шулай ук укыгыз

Барлык яңалыклар