Иртәгә ТР башкаласында яшәүчеләр ВИЧ-инфекция һәм гепатит С га бушлай тест уза алачак

Иртәгә ТР башкаласында яшәүчеләр ВИЧ-инфекция һәм гепатит С га бушлай тест уза алачак

<p> Иртәгә, Шәһәр һәм республика көнендә, Казанда «Әйдә экспресс» акциясе узачак. Шәһәр халкы бушлай ВИЧ-инфекциягә һәм С гепатитына тикшерелә алачак. </p> <p> Акция 13:00 тән 20:00 гә кадәр узачак. Табиблар «Казан» гаилә үзәге каршындагы мәйданда кизү торачак, дип хәбәр итә оештыручылар. </p> <p> Проект «Татнефть» хәйрия фонды ярдәме белән гамәлгә ашырыла. </p> <p> «Әйдә экспресс» акциясе сәламәтлекне саклаучы тәртип булдыруга, халыкның вируслы гепатит С га, ВИЧка экспресс-тест үткәрүне тәэмин итүгә, республикада массакүләм чаралар барышында юнәлтелгән. </p> <p> Исегезгә төшерәбез, проект кысаларында 9 һәм 10 августта Казан триатлоны вакытында барлык теләүчеләр өчен тест-мобиль <a target="_blank" href="https://kzn.ru/meriya/press-tsentr/novosti/vo-vremya-kazanskogo-triatlona-zhiteli-i-gosti-goroda-smogut-sdat-test-na-vich-infektsiyu-i-gepatit-/?lang=ta">эшләде</a>, анда казанлылар бушлай һәм аноним рәвештә ВИЧ-инфекциягә һәм С вируслы гепатитына тест тапшырырга, шулай ук социаль, медицина хезмәткәрләре һәм психологтан консультацияләр алырга мөмкин иде. </p>

2024-08-29T14:07:00+0300