Иртәгә Татарстанда бераз яңгыр явачак

Иртәгә, 20 сентябрьдә, Казанда алмашынучан болытлы һава сизелерлек явым-төшемсез, җил көньяк һәм көньяк-көнбатыштан секундына 11 метрга кадәр җитәчәк. Көндез температура 20-22 градуска кадәр җылыначак, 19 сентябрьдән 20сенә каршы төндә 10-12 градус булачак.

Гомумән алганда, 20 сентябрьдә Татарстанда аязучан болытлы һава, урыны белән бераз яңгыр явачак. Җил көньяктан, көньяк-көнбатыштан 6-11 м/с, көндез урыны белән 14 м/с кадәр. Төнлә температура 7-12 градус җылылыкны күрсәтәчәк, көндез температура +18-23 градус тәшкил итәчәк.

Якшәмбе көнне, 21 сентябрьдә, шулай ук бераз яңгыр ява, җил көньяк-көнбатыштан, көнбатыштан 6-11 м/с, көндез урыны белән 15-17 м/с кадәр җитәчәк. Температура төнлә +6..+11 градустан артмаячак, көндез +16 дан +21 градуска кадәр күтәреләчәк.

ТР Гидрометеорология үзәге фаразлавынча, киләсе атна башында көн температурасы +19...+24 градус җылы булыр дип көтелә.