Иртәгә Татарстанда һава 3 градуска кадәр җылына

Иртәгә Татарстанда һава 3 градуска кадәр җылына

<p> Якын көннәрдә Татарстан элеккечә җылы һәм дымлы һава массасында булачак. Бүген төнлә юеш кар һәм вак яңгыр рәвешендә явым-төшемнәр узачак, һава температурасы 1 градустан -1 градуска кадәр тәшкил итәчәк. Көндез термометр баганалары 0..+3 градуска  кадәр күтәреләчәк. </p> <p> Төнлә һәм иртән Казанда синоптиклар урыны белән томан фаразлыйлар, юлларда бозлавык хасил була. Төнге сәгатьләрдә һава температурасы -1 градус тәшкил итәчәк. Җитди явым-төшем көтелми, җил – көньяк-көнбатыштан 5-10 м/с кадәр. Көндез +1..+3 градуска кадәр җылына. </p> <p> Якшәмбе көнне Татарстанда юеш кар һәм вак яңгыр рәвешендәге зур булмаган явым-төшемнәр булачак. Көндез 0..+3 градус, төнлә -3 градус булачак. Юлларда бозлавык сакланачак. </p> <p> Киләсе атна башында юеш кар көтелә. 3-4 февральдә төнлә термометр баганалары -1 дән -6 градуска кадәр, көндез - 0..-3 градус күрсәтәчәк. Температура җылынудан соң тискәре күрсәткечләргә кадәр түбәнәю юлларда көчле бозлавык барлыкка килүгә китерәчәк, дип хәбәр итә ТР Гидрометүзәге. </p>

2025-01-31T13:06:00+0300