Иртәгә Татарстанда юеш кар һәм буран көтелә

Киләсе атна башында термометр баганалары 4 градуска кадәр күтәреләчәк

ТР Гидрометүзәге фаразына караганда, 8 мартка каршы төндә Казанда бураннар көтелә. Җил – төньяк-көнбатыштан, урыны-урыны белән 14 м/с ка кадәр җитә. Һава температурасы -1..-3 градуска кадәр төшә, ә юлларда бозлавык һәм кар боткасы хасил булачак. Көндез термометр баганалары 0 градус күрсәтәчәк.

Татарстанда шимбә көнне юеш кар һәм төньяк-көнбатыштан 15-17 м/с тизлектә көчле җил көтелә. Төнлә аерым районнарда буран булырга мөмкин, ә температура төнлә -1..-6 градус, көндез -1..3 градуска кадәр.

Якшәмбе, 9 мартта, явым-төшемсез булачак, ләкин көндез атмосфера фронты юеш кар һәм яңгыр китерәчәк. Төнлә температура -7..-12 градуска кадәр төшәчәк, ә көндез – -1..-3 градус.

Татарстан Республикасы Гидрометүзәге алдан фаразлаганча, киләсе атна башында Татарстанда явым-төшемнәр икеле. Төнлә термометр баганалары 0..-4 градуска кадәр төшәчәк, көндез 4 градуска кадәр күтәреләчәк.

Шулай ук укыгыз

Барлык яңалыклар