Иртәгә Казанда 10 градуска кадәр җылы фаразлыйлар

Иртәгә Казанда 10 градуска кадәр җылы фаразлыйлар

<p> Татарстанда алдагы көннәрдә температура күтәреләчәк, явым-төшем көтелми. Һава температурасы төнлә -1 дән -6 градуска кадәр, көнчыгышта һәм түбән урыннарда -9 градуска кадәр фаразлана. Термометр баганалары көндез +5..+10 градуска кадәр күтәреләчәк. </p> <p> Бүген төнлә һәм иртәгә иртән Казанда -2..-4 градус көтелә. Җил көньяк-көнчыгыштан һәм көньяктан (секундына 2-7 метрга кадәр). Көндез алмашынучан болытлы һава, көньяк-көнчыгыштан, көньяктан (секундына 6-11 метр) җил булачак. Термометр баганалары тәүлекнең якты вакытында +8..+10 градуска кадәр күтәреләчәк. </p> <p> Тулаем республика буенча чәршәмбе һәм пәнҗешәмбе көннәрендә явым-төшем ихтималы зур түгел. Төнлә температура -2 дән +3 градуска кадәр булачак. Көндез һава +6..+11 градуска кадәр җылыначак, дип хәбәр иттеләр ТР Гидрометүзәгендә. </p>

2025-03-24T17:42:53+0300