Иртәгә Миллениум күпере астында киләчәктә эшкәртү өчен икенче чимал кабул итәчәкләр

Шәһәр халкы пластик, макулатура, фольга һәм чеклар тапшыра алачак

Иртәгә, 30 нчы июньдә, Миллениум күпере астында икенче чимал һәм кием кабул итү мобиль пункты эшләячәк.

Волонтерлар эшкәртергә йомшак пластик, шешәләр, алюминий, полипропилен, фольга, табаклы полиэтилентерефталат, tetra pak, каты пластик, кәгазь, чеклар, пластик тюбиклар, полистирол, пенопласт һ. б. кабул итәчәк. Фракцияләрнең тулы исемлеге белән сылтама буенча танышырга мөмкин.

Акциядә яхшы кием һәм аяк киеме, су өчен сөзгечләр, пластик уенчыклар, органика, видео- һәм аудиокассеталар, дарулар, батарейкалар, лампалар һәм градусниклар тапшырырга ярамый.

Икенчел чимал кабул итүнең мобиль пункты «УРАМ» экстрим-паркы янындагы машина кую урынында (дүртенче аралыкта) урнаштырылачак. Ул 10:00 нан 12:00 сәгатькә кадәр эшләячәк.

Әлеге чара айның һәр якшәмбесендә уздырыла. Ул «Казансуны үстерү стратегиясе», «ЭкоТехнологияләр» проектлары һәм Казан парклары һәм скверлары дирекцияләре ярдәмендә оештырылган.

Исегезгә төшерәбез, икенче чималны эшкәртүгә «Җыю ноктасы» пунктында тапшырырга мөмкин, ул көн саен 7:00 дән 19:00 сәгатькә кадәр эшли. Мәйданчыкта 39 төр икенчел чимал кабул ителә.

Шулай ук укыгыз

Барлык яңалыклар