Иртәгә Казан юлларында урыны белән бозлавык көтелә

25 нче октябрьдә көндез һава температурасы +2 дән +4 градуска кадәр булачак.

Фото: Денис Гордийко

(Казан шәһәре KZN.RU, 24 нче октябрь). Бүген төнлә һәм иртәгә көндез Казан һәм Татарстан юлларында урыны белән бозлавык көтелә. Төнлә республикада секундына 18 метрга кадәр көчле җил фаразлана.

Казанда алдагы төндә яңгыр һәм юеш кар яварга мөмкин, җил көньяк-көнбатыштан булачак, аннары төньяк-көнбатышка күчәчәк. Һава температурасы -1 градуска кадәр төшәчәк. 25 нче октябрьдә ТР башкаласында көндез аязучан болытлы һава торышы көтелә, яңгыр һәм юеш кар яварга мөмкин. Һава температурасы +2 дән +4 градуска кадәр булачак.

25 нче октябрь, сишәмбе көнне, Республика циклонның тыл өлешендә булачак. Төбәктә яңгыр һәм дымлы кар көтелә. Төнлә һава температурасы +2 дән -3 градуска кадәр, көндез 0 дән +5 градуска кадәр тәшкил итәчәк.

26 нчы һәм 27 нче октябрьдә Татарстанда антициклон йогынтысында тыныч һава торышы көтелә, явым-төшем фаразланмый. Төнлә һава температурасы -6 градуска кадәр төшәчәк, көндез +5 градуска кадәр күтәреләчәк.

Атна ахырында, 28 нче октябрьдә, чираттагы циклонның фронталь бүлекләрен узганда, республикада яңгыр һәм юеш кар яварга мөмкин. 29 нчы октябрьдә, атмосфера басымы артканда урыны белән азрак явым-төшем булачак. Температура үзгәрмәячәк: көндез +3 тән -2 градуска кадәр булыр дип көтелә, төнлә һәм иртән урыны белән бозлавык булырга мөмкин, дип хәбәр итә ТР Гидрометеорология үзәгенең матбугат хезмәте.

Шулай ук укыгыз

Барлык яңалыклар