Казанлылар ВИЧка аноним һәм бушлай тест тапшыра алачак

Тест-мобиль Бауман урамындагы сәгать янында урнашачак

Казан халкы иртәгә, 25 апрельдә, ВИЧ-инфекциягә аноним һәм бушлай экспресс-тест уза алачак. Мобиль пункт Бауман урамындагы сәгать янында урнашачак.

Медицина хезмәткәрләре 13:00 дән 17:00 гә кадәр кизү торачак. Теләүчеләр шулай ук социаль хезмәткәр белән киңәшләшә алачак, дип хәбәр итә «Яңа гасыр» коммерцияле булмаган автоном хәйрия оешмасының матбугат хезмәте.

Акция июльгә кадәр Татарстан башкаласының ике мәйданчыгында – Бауман урамында һәм Горький исемендәге паркта узачак. Икенче ноктада тестны май аенда узарга мөмкин булачак. Чара ТР Сәламәтлек саклау министрлыгының СПИД һәм йогышлы авыруларны профилактикалау һәм аларга каршы көрәш буенча Республика үзәге белән берлектә оештырылды.

Шулай ук укыгыз

Барлык яңалыклар