Казанның 110 нчы балалар бакчасы мөдире «Мәгариф отличнигы» бүләген алды

Казанның 110 нчы балалар бакчасы мөдире «Мәгариф отличнигы» бүләген алды

<p> </p> <div class="detail-picture"> <img src="https://kzn.ru/upload/iblock/b68/b68a8cef48530402666f7d26fa7cb02d.jpg"> <p class="detail-picture__caption"> Фото: Мәгариф идарәсе  </p> </div> <p> (Казан шәһәре KZN.RU, 27 нче июнь). Казанның Яңа Савин районы 110 нчы балалар бакчасы мөдире Резеда Төхвәтуллова Россия Мәгариф министрлыгының «Мәгариф отличнигы» билгесенә лаек булды. Бүләкләү тантанасы кичә Казанда ел саен үткәрелә торган мәктәпкәчә белем бирү буенча август конференциясенә багышланган секциядә узды. </p> <p> Шәһәр Башкарма комитетының Мәгариф идарәсендә хәбәр итүләренчә, Совет районының 181 нче мәктәбе чара үткәрү мәйданчыгына әверелгән. Очрашуга бөтен Татарстаннан 400 дән артык мәктәпкәчә белем бирү белгече җыелган.  </p> <p> Утырышның беренче өлеше уңышлы эш практикалары белән уртаклашкан Казан педагоглары тәҗрибәсенә багышланды. Конференциянең икенче өлешендә пленар утырыш узды, анда федераль белем бирү программасын кертү, мәктәпкәчә белем бирүнең уңайлылыгы һәм аның сыйфатын күтәрү, Татарстанда коррупциягә каршы сәясәтне гамәлгә ашыру, «Алдынгылар хәрәкәте» яшьләр оешмасы эше һәм педагогик конкурсларның роле турында фикер алыштылар. </p>

2023-06-27T12:31:46+0300