Ноксы буйлап сәфәргә чыгу һәм микроскоп белән өйрәнү дәресләре: Казанда «Шәһәрле-галим» лабораториясенең яңа сезоны ачыла

Беренче очрашуда катнашучыларны «Барлык елгалар океанга ага» темасы буенча моназара көтә

Казанда «Шәһәрле-галим» шәһәр лабораториясенең яңа сезоны ачыла. Курс төрле форматтагы 10 дәресне үз эченә ала — Зөядәге Елга музеена экскурсиядән һәм лабораториядә микроскоп белән өйрәнүдән алып «Җил көче» җилкән җәмгыяте филиалына баруга һәм Ноксы елгасы буйлап эколог белән сәфәргә чыгуга кадәр.

Быелгы яңалык — очрашулар Казансу ярларында гына түгел, Иделдә, Зөядә һәм Ноксыда да узачак. Лабораторияне ачу 4 нче июльгә планлаштырыла. «Черек күл» паркы амфитеатрында проект программасы турында сөйлиячәкләр һәм «Барлык елгалар океанга ага» моназарасын үткәрәчәкләр.

Спикерлар арасында — «Дронт» экоүзәк Советы рәисе, социаль-экологик берлек рәистәше Әсхәт Каюмов һәм географик фәннәр кандидаты, гидролог, геолог, Казан федераль университетының Табигатьне төзекләндерү һәм судан файдалану кафедрасы доценты Иршат Шиһапов бар.

Катнашу өчен сылтама буенча теркәлергә кирәк. Очрашу 18:30 сәгатьтә старт ала, дип хәбәр итә «Казансу үсеше стратегиясе» проекты командасы.