Бу атнада Татарстанда -5 градуска кадәр суыклар көтелә

Бу атнада Татарстанда -5 градуска кадәр суыклар көтелә

<p> Бу атнада татарстанлыларны җылы һәм коры һава көтә. Иртәләрен кырау төшәргә мөмкин, дип хәбәр итә республиканың Гидрометеорология үзәге. </p> <p> Иртәгә Казанда явым-төшемсез бераз болытлы һава көтелә. Төнлә һәм иртән 0..+2 градуска кадәр, түбән урыннарда -2..-4 градуска кадәр суына. Көндез термометр баганалары +14..+16 градуска кадәр күтәреләчәк. </p> <p> Гомумән алганда, Татарстан буенча 24 һәм 25 сентябрьдә аз болытлы һава торышы көтелә. Төнлә һава һәм туфрак температурасы 0..-5 градуска кадәр, кайбер районнарда 0..+3 градуска кадәр төшәчәк. </p> <p> Иртәгә салкын һава торышы сакланачак, термометр баганалары +11..+16 градустан югары күрсәтмәячәк. Чәршәмбе көнне һава массасы җылына башлый, татарстанлыларны +15..+20 градуска кадәр җылыту көтә. </p> <p> Пәнҗешәмбе, 26 сентябрь төнендә, һава температурасы +1..+6 градус булачак, республиканың көньягында һәм көнчыгышында синоптиклар урыны белән -3 градуска кадәр суык вәгъдә итә. Көндез термометр баганалары +17..+22 градуска кадәр күтәреләчәк. </p> <p> Беренчел фаразлар буенча, атна ахырында, 27-29 сентябрьдә, җылы һава торышы сакланачак. Төнлә 5..+10 градус, көндез +17 градустан +22 градуска кадәр җылы булыр дип көтелә. Температура фоны нормадан 3-5 градуска югары булачак. </p> <p>   </p>

2024-09-23T17:36:00+0300