Ял көннәренда Татарстанда салкыннар -2 градуска кадәр булыр дип фаразлыйлар

Ял көннәренда Татарстанда салкыннар -2 градуска кадәр булыр дип фаразлыйлар

<p> Татарстанда яңгырлар көтелә. Һаваның көнлек температурасы +12 градус һәм аннан да югарырак булачак, дип хәбәр иттеләр ТР Гидрометүзәктә. </p> <p> Иртәгә төнлә Казанда явым-төшемсез аз гына болытлы һава көтелә. Иртән һәм көндез урыны белән бераз яңгыр булуы ихтимал. Җил – көньяк-көнбатыштан, көнбатыштан һәм төньяк-көнбатыштан 5-10 м/с ка кадәр, 12 м/с ка кадәр җитүе дә ихтимал. Төнлә минималь температура +7..+9 градус. Көндез +14..+16 градус. </p> <p> Шимбә көнне, 5 октябрьдә, Татарстанда суыта. Урыны белән бераз яңгыр ява. Төнлә синоптиклар +5..+10 градуска кадәр вәгъдә итә. Республиканың көньягында һәм көнчыгышында - 3..-2 градуска кадәр. Көндез термометр баганалары +14..+19 градуска кадәр күтәреләчәк. </p> <p> Якшәмбе көнне, 6 октябрьдә, явым-төшем көтелми, төнлә республиканың аерым районнарында яңгыр явачак. Төнге сәгатьләрдә һава температурасы +4..+9 градуска кадәр җитәчәк. Көндез – +12..+17 градус. </p> <p> ТР Гидрометүзәге алдан фаразлавынча, киләсе атна тотрыксыз һава торышы белән башланачак. Урыны белән, башлыча көнбатышта, зур булмаган яңгырлар явачак. Дүшәмбе көнне, 7 октябрьдә, көндез синоптиклар +13..+18 градуска кадәр вәгъдә итә, ә 8 октябрьдә һава +15..+20 градуска кадәр җылыначак. </p>

2024-10-04T15:12:00+0300