«Ел укытучысы – 2024» исеме өчен 125 Казан педагогы көрәшәчәк

Быел бөтенроссия конкурсының шәһәр этабы 14 номинация буенча уза

Фото: Мәгариф идарәсе

(Казан шәһәре KZN.RU, 19 нчы гыйнвар). Казанда «Ел укытучысы – 2024» бөтенроссия конкурсының шәһәр этабы уза. Анда 125 педагог катнаша.

Быел ярышлар 14 номинация буенча уза, шул исәптән «Кеше тәрбияләү», «Күңелемне биреп эшлим», «Педагогик дебют», «Педагог-ветеран», «Тәрбия һәм укыту туган телдә алып барылучы төркем тәрбиячесе» һәм башкалар.

Конкурсантларга дүрт сынауда осталык күрсәтергә туры киләчәк: дәрес, тәрбия вакыйгасы, мастер-класс һәм «Ел укытучысына сорау» матбугат конференциясе, дип хәбәр иттеләр шәһәр Башкарма комитетының Мәгариф идарәсендә.

Исегезгә төшерәбез, узган ел шәһәр этабында иң яхшы педагогны 21 яшьтән 71 яшькә кадәрге 91 финалист арасыннан сайлаганнар иде. Конкурсның абсолют җиңүчесе булып «Адымнар» полилингваль комплексының рус теле һәм әдәбияты укытучысы Екатерина Лисина танылды.

KZN.RU порталына биргән интервьюсында ул ни өчен катлаулы әдәбиятның балалар өчен файдалы икәнлеген һәм ни өчен китапларны яңадан укырга кирәклеген, яшүсмерләр белән аралашу, белдерүләрдә хаталар эзләү һәм гаджетлар куллану турында сөйләде.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар