Тәүлек эчендә Татарстанда тагын COVID-19 белән авыруның 87 очрагы расланды

Авыручы кешеләрнең 58-е Казанда яши.

Фото: Марат Мугинов

(Казан шәһәре KZN.RU, 4-нче гыйнвар). Татарстанда COVID-19 белән зарарлануның 87 яңа очрагы теркәлгән, барысы да контактлы. 46 кеше хастаханәгә озатылган, 41 кеше өйләрендә дәвалана.

Авыручылар арасында 18 яшьтән 30 яшькә кадәр булган 4 кеше, 22 кеше - 30 яшьтән 50 яшькә кадәр, 11 кеше - 50 дән 60 яшькә кадәр, 22 кеше - 60 яшьтән 70 яшькә кадәр, 16 кеше - 70 тән 80 яшькә кадәр, 11 кеше - 80 яшьтән 90 яшькә кадәр һәм 90 яшьтән өлкәнрәк бер кеше.

49 кеше - Казанда, 17 кеше - Зеленодольск районында, 5 кеше - Яр Чаллыда, 3 кеше - Буа районында, икешәр кеше - Югары Ослан, Биектау, Лениногорск һәм Тукай районнарында, берәр кеше - Азнакай, Актаныш, Апас, Кайбыч һәм Питрәч районнарында яши.

Барлыгы 4-нче гыйнварга Татарстанда COVID-19 авыруының 13 мең 633 очрагы теркәлгән. Пандемиянең бөтен чорында 10 мең 798 кеше сәламәтләнде, шул исәптән 21 - узган тәүлектә, дип хәбәр итә ТР Сәламәтлек саклау министрлыгының матбугат хезмәте. 3-нче гыйнварга булган мәгълүматларга караганда, республикада коронавирустан 194 үлем очрагы теркәлгән.

Федераль оператив штаб мәгълүматы буенча, Россиядә бер тәүлек эчендә 23 мең 351 авыру очрагы теркәлгән. Барлыгы илдә 3 млн 260 мең 138 кеше авырган, 2 млн 640 мең 36 кеше сәламәтләнгән, 58 мең 988 кеше үлгән.

Шулай ук укыгыз

Барлык яңалыклар