Татарстанда бер тәүлек эчендә 257 кешедә СОVID-19 ачыкланган

Казанда коронавирус инфекциясе белән авыруның 67 яңа очрагы теркәлгән.

Фото: Марат Мөгыйнов

(Казан шәһәре KZN.RU, 9 нчы апрель). Татарстанда COVID-19 авыруының 257 яңа очрагы теркәлгән, шул исәптән 67 очрак – Казанда. 18 кеше хастаханәгә озатылган. «Коронавирус» диагнозы 18 яшькә кадәрге 19 бала һәм яшүсмердә расланган.

9 нчы апрельгә Татарстанда COVID-19 авыруының 139 мең 609 очрагы теркәлгән. Пандемиянең бөтен чорында 133 мең 152 сәламәтләнү очрагы билгеле булган, шул исәптән 699 ы – узган тәүлектә, дип хәбәр итә ТР Сәламәтлек саклау министрлыгының матбугат хезмәте.

Республикада барлыгы 2 млн 508 мең 65 кеше вакцинацияләнгән (тәүлек эчендә үсеш – 1415 кеше), шулардан 1 млн 926 мең 123 кеше икенче прививка алган. Кабат вакцинацияне 288 мең 845 кеше узган.

Федераль оператив штаб мәгълүматы буенча, Россиядә тәүлеккә 13 мең 573 авыру очрагы теркәлгән. Илдә барлыгы 17 млн 983 мең 4 очрак ачыкланган, моннан тыш, 17 млн 183 мең 730 савыгу очрагы теркәлгән.

Исегезгә төшерәбез, коронавируска каршы прививканы поликлиникаларда гына түгел, ә вакцинациянең мобиль пунктларында да ясатырга мөмкин. Аларның эш тәртибе һәм адреслары KZN.RU порталында урнаштырылган.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар