Тәүлек эчендә тагын 116 казанлыда коронавирус ачыкланган

Татарстанда инфекциянең 250 яңа очрагы теркәлгән.

Фото: Денис Гордийко

(Казан шәһәре KZN.RU, 14 нче апрель). Тәүлек эчендә Татарстан Республикасында коронавирус белән авыруның 250 очрагы ачыкланган, шул исәптән 116 очрак – Казанда. 49 кеше хастаханәгә озатылган. «Коронавирус» диагнозы 26 бала һәм яшүсмердә расланган.

14 нче апрельгә кадәр Татарстанда 140 мең 874 COVID-19 авыруы очрагы теркәлгән, 134 мең 729 кеше савыккан, шул исәптән 121 е – узган тәүлектә. Пандемия башланганнан бирле 1929 кеше үлгән, шуларның 4 се – бер тәүлек эчендә, дип хәбәр итә ТР Сәламәтлек саклау министрлыгы матбугат хезмәте.

Федераль оператив штаб мәгълүматы буенча, Россиядә бер тәүлек эчендә «коронавирус» диагнозы 11 мең 348 тапкыр расланган, 21 мең 853 кеше сәламәтләнгән. Пандемия башланганнан бирле илдә авыру йоктыруның 18 млн 41 мең 927 очрагы һәм 17 млн 321 мең 116 савыгу очрагы теркәлгән.

Барлыгы Татарстан Республикасында 2 млн 511 мең 522 кеше вакцинацияләнгән (тәүлеккә үсеш – 766 кеше), шулардан 1 млн 926 мең 123 кеше икенче прививка алган. Кабат вакцинацияне 288 мең 845 кеше узган.

Исегезгә төшерәбез, коронавируска каршы прививканы поликлиникаларда гына түгел, ә вакцинациянең мобиль пунктларында да ясатырга мөмкин. Аларның эш тәртибе һәм адресы KZN.RU порталында бастырылган.

Шулай ук укыгыз

Барлык яңалыклар