Тәүлек эчендә Казан урамнарыннан 8 мең тоннадан артык кар чыгарылган

Шәһәр урамнарына 1,6 мең тоннага якын реагент сибелгән.

(Казан шәһәре KZN.RU, 23-нче гыйнвар). Узган тәүлек эчендә Казан урамнарыннан 8 мең 193 тонна кар чыгарылган. Шәһәр урамнарында кар көрәүдә 640 юл хезмәте эшчесе һәм шуның кадәр үк махсус техника берәмлеге катнашкан. Алар арасында – 98 катнаш юл машинасы, 75 "Бошунг” катнаш юл машинасы, 16 кар төягеч, 130 щеткалы трактор, 34 грейдер, 67 фронталь төягеч, 52 "Барсик" минитөягече, 147 үзбушаткыч һ.б.

Тәүлек эчендә Татарстан башкаласы юлларына 1 мең 589 тонна бозлавыкка каршы катнашма, шул исәптән 81 тонна реагент һәм 1508 тонна ком-тоз катнашмасы сибелгән.

Районнар администрацияләре мәгълүматлары буенча, бүген көндез, 22 гыйнвар көнне, шәһәр урамнарында 581 юл хезмәте эшчесе һәм 315 берәмлек махсус техника катнашачак.

Кышкы сезон башыннан шәһәр урамнарыннан барлыгы 287,4 мең тонна кар чыгарылган, дип хәбәр итә Башкарма комитетның Тышкы төзекләндерү комитеты.

Шулай ук укыгыз

Барлык яңалыклар