Тәүлек эчендә Казан урамнарыннан 6,9 мең тоннага якын кар чыгарылган

Казан юлларында тәүлегенә 170 тонна бозлавыкка каршы материал кулланылган.

(Казан шәһәре KZN.RU, 4-нче февраль). Узган тәүлектә Казан урамнарыннан 6895 тонна кар чыгарылган. Шәһәрне җыештыруга 513 юл эшчесе һәм 651 махсус техника, шул исәптән 158 катнаш юл машинасы, 18 кар төягеч, 153 трактор щеткасы, 19 грейдер, 88 фронталь төягеч, 55 «Барсик» кече төягече, 146 үзбушаткыч һәм башка төр техника җәлеп ителгән.

Казан юлларында тәүлегенә 170 тонна бозлавыкка каршы материал, шул исәптән 33 тонна реагент һәм 137 тонна ком-тоз катнашмасы файдаланылган.

Бүген көндез урамнарны җыештырырга 450 юл эшчесе һәм 321 махсус техника берәмлеге чыгачак, дип хәбәр итә Тышкы төзекләндерү комитеты.

Карны түбәндге урамнардан чыгарачаклар: 8 Март, Авангард, Аграр, Айдаров, Айдинов, Астрономия, Базар, Бауман, Беломорск, Большая Красная, Васильченко, Габишев, Таҗи Гыйззәт, Горький, Губкин, Даурия, Достоевский, Дружба, Жуковский, Журналистлар, Заря, Зорге, Ипподром, Карбышев, Кирпичников, Комаров, Космонавтлар, Кремль, Ленинград, Лесгафт, Ломжа, Малая Заречная, Карл Маркс, Меридиан, Назарбаев, Нариманов, Островский, Павлов, Павлюхин, Парин, Песочная, Петербург, Пионер, Аркылы Базар, Попов, Пушкин, Сәлимҗанов, Сахаров, Театр, Ударная, Фучик, Сибгат Хәким, Үзәк-Мариуполь, Чехов, Шоссе, шулай ук Болак, Вокзал алды мәйданы, Ирек мәйданы, Оренбург һәм Себер тракты урамнары участокларыннан.

Шулай ук укыгыз

Барлык яңалыклар