Тәүлек эчендә Казан юлларыннан 5,6 мең тоннадан артык кар чыгарылган

Бүген урамнарны кардан 299 махсус техника берәмлеге чистартачак.

(Казан шәһәре KZN.RU, 12-нче декабрь). Узган Тәүлек эчендә юл хуҗалыгы хезмәтләре 5616 тонна кар чыгарганнар. Казан урамнарын җыештыруга 547 юл эшчесе һәм 577 махсус техника берәмлеге, шул исәптән 156 катнаш юл машинасы, 143 трактор щеткасы, 108 үзбушаткыч, 66 фронталь төягеч һәм 60 "Барсик" мини-төягече, 20 грейдер, 17 кар төягеч һәм башка төр техника җәлеп ителде.

Узган тәүлек эчендә юлларны эшкәртү өчен 608 тонна бозлавыкка каршы матдә, шул исәптән 138 тонна реагент һәм 470 тонна ком-тоз катнашмасы кулланылган.

Бүген көндез урамнарны кардан чистартуга 493 юл эшчесе һәм 299 махсус техника чыгачак, дип хәбәр итә Тышкы төзекләндерү комитеты.

Кар юлларның түбәндәге өлешләреннән чыгарылачак: Айдаров, Беломорск, Вересаев, Ершов, Кече Заречная, Ипподром, Лесная, Мариуполь, Назарбаев, Павлов, Павлюхин, Четаев, шулай ук Ирек мәйданы.

Шулай ук укыгыз

Барлык яңалыклар