В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
13.02.2018, 10:17
Тәүлек эчендә Казан урамнарыннан 16 мең тоннадан артык кар чыгарылган
Көндез шәһәр урамнарына 600 юл хезмәте эшчеләре һәм 388 махсус техника берәмлеге чыгачак.
(Казан шәһәре KZN.RU, 13-нче февраль). Узган тәүлек эчендә Казан урамнарыннан 16 мең 122 тонна кар чыгарылган. Шәһәр урамнарында кар көрәүдә 683 юл хезмәте эшчесе һәм 833 махсус техника берәмлеге катнашкан. Алар арасында – 86 катнаш юл машинасы, 69 "Бошунг, 19 кар төягеч, 116 щеткалы трактор, 35 грейдер, 106 фронталь төягеч, 52 "Барсик", 314 самосвал һ.б.
Тәүлек эчендә Татарстан башкаласы юлларына 135 тонна бозлавыкка каршы катнашма, шул исәптән 4 тонна реагент һәм 131 тонна ком-тоз катнашмасы сибелгән.
Бүген көндез, районнар администрацияләре мәгълүматлары буенча, Казан урамнарын кардан чистарту эшендә 600 юл хезмәте эшчесе һәм 388 махсус техника берәмлеге катнашачак.
Кышкы сезон башыннан Казан урамнарыннан барлыгы 563,5 мең тоннадан артык кар чыгарылган, дип хәбәр итә Тышкы төзекләндерү комитеты.
Шулай ук укыгыз
-
28.07.2025, 13:17 -
28.07.2025, 13:14 -
28.07.2025, 13:11 -
28.07.2025, 10:52