Тәүлек эчендә Казан урамнарыннан 12 мең тоннадан артык кар чыгарылган

Тәүлек эчендә Казан урамнарыннан 12 мең тоннадан артык кар чыгарылган

<p> (Казан шәһәре KZN.RU, 16-нчы февраль). Узган тәүлек эчендә Казан урамнарыннан 12 мең 356 тонна кар чыгарылган. Шәһәр урамнарында кар көрәүдә 662 юл хезмәте эшчесе һәм 780 махсус техника берәмлеге катнашкан. Алар арасында – 89 катнаш юл машинасы, 68 "Бошунг, 14 кар төягеч, 117 щеткалы трактор, 32 грейдер, 100 фронталь төягеч, 53 "Барсик", 276 самосвал һ.б. </p> <p> Тәүлек эчендә Татарстан башкаласы юлларына 130 тонна бозлавыкка каршы катнашма, шул исәптән 6 тонна реагент һәм 124 тонна ком-тоз катнашмасы сибелгән. </p> <p> Бүген көндез, районнар администрацияләре мәгълүматлары буенча, Казан урамнарын кардан чистарту эшендә 594 юл хезмәте эшчесе һәм 353 махсус техника берәмлеге катнашачак. </p> <p> Кышкы сезон башыннан Казан урамнарыннан барлыгы 606 мең тоннага якын кар чыгарылган, дип хәбәр итә Тышкы төзекләндерү комитеты. </p>

2018-02-16T09:03:36+0300