Узган тәүлектә Казан урамнарыннан 10,9 мең тоннадан артык кар чыгарылган

Көндез Казан урамнарында 317 берәмлек махсус техника катнашачак.

(Казан шәһәре KZN.RU, 15-нче февраль). Узган тәүлек эчендә юл хуҗалыгы хезмәтләре 10950 тонна кар чыгарганнар. Казан урамнарын җыештыруга 447 юл эшчесе һәм 691 махсус техника берәмлеге, шул исәптән 168 катнаш юл машинасы, 20 кар төягеч, 119 трактор щеткасы, 26 грейдер, 87 фронталь төягеч, 53 "Барсик" мини-төягече, 202 үзбушаткыч һәм башка төр техника җәлеп ителгән.

Узган тәүлек эчендә юлларны эшкәртү өчен 709 тонна бозлавыкка каршы матдә, шул исәптән 143 тонна реагент һәм 566 тонна ком-тоз катнашмасы кулланылган.

Бүген көндез урамнарны кардан чистартуга 401 юл эшчесе һәм 317 махсус техника чыгачак, дип хәбәр итә Тышкы төзекләндерү комитеты.

Кар юлларның түбәндәге өлешләреннән чыгарылачак: Батыршин, Бауман, Беломорск, Бондаренко, Ваһапов, Васильченко, Вересаев, Вязьма, Мәҗит Гафури, Гудованцев, Дементьев, Зәкиев, Ильич, Ипподром, Копылов, Кол Гали, Лаврентьев, Ленинград, Лукин, Меридиан, Павлюхин, Петербург, Серов, Туганлык, Ударная, Сибгат Хәким, Клара Цеткин, Чернышевский, Чистай, Чкалов, Шоссе, Әмирхан, Ибраһимов, Ямашев проспектларыннан, Ирек мәйданы һ.б.

Шулай ук укыгыз

Барлык яңалыклар