Узган тәүлектә ТР башкаласы урамнарыннан 12 мең тонна кар чыгарылган

Бүген көндез урамнарны кардан чистартуга 433 юл эшчесе һәм 278 махсус техника чыгачак.

(Казан шәһәре KZN.RU, 24-нче гыйнвар). Узган тәүлек эчендә юл хуҗалыгы хезмәтләре 12 мең тонна кар чыгарганнар. Казан урамнарын җыештыруга 486 юл эшчесе һәм 723 махсус техника берәмлеге, шул исәптән 134 катнаш юл машинасы, 19 кар төягеч, 115 трактор щеткасы, 31 грейдер, 88 фронталь төягеч, 56 "Барсик" мини-төягече, 258 үзбушаткыч һәм башка төр техника җәлеп ителгән.

Узган тәүлек эчендә юлларны эшкәртү өчен 166 тонна бозлавыкка каршы матдә, шул исәптән 16 тонна реагент һәм 150 тонна ком-тоз катнашмасы кулланылган.

Бүген көндез урамнарны кардан чистартуга 433 юл эшчесе һәм 278 махсус техника чыгачак, дип хәбәр итә Тышкы төзекләндерү комитеты.

Кар түбәндәге урамнардан чыгарылачак: Әпсәләмов, Адмирал, Айдаров, Бассейн, Бауман, Батыршин, Бутлеров, Петр Витер, Гвардия, Ершов, Заря, Рихард Зорге, Короленко, Коротченко, Коләхметов, Гадел Кутуй, Кече Мәскәү, Минск, Нигъмәтуллин, Яңа Дәүләки, Нокса авышлыгы, Париж Коммунасы, Петербург, Повстанческая, Революция, Симонов, Татарстан, Тихомирнов, ТЭЦ, Фучик, Халезов, Черноморск, Четаев, Чистай, Чишмәле, Чкалов, Чуйков, шулай ук Ямашев проспекты, Ирек мәйданы территориясе, Горький шоссесы, Мамадыш тракты һ.б.

Шулай ук укыгыз

Барлык яңалыклар