Тәүлек эчендә Казан урамнарыннан 16,8 меңгә якын тонна кар чыгарылган

Көндез шәһәр урамнарына 600 юл хезмәте эшчеләре һәм 385 махсус техника берәмлеге чыгачак.

(Казан шәһәрә KZN.RU, 6-нчы февраль). Узган тәүлек эчендә Казан урамнарыннан 16 мең 779 тонна кар чыгарылган. Шәһәр урамнарында кар көрәүдә 677 юл хезмәте эшчесе һәм 915 махсус техника берәмлеге катнашкан. Алар арасында – 122 катнаш юл машинасы, 94 "Бошунг, 16 кар төягеч, 150 щеткалы трактор, 40 грейдер, 127 фронталь төягеч, 58 "Барсик", 276 самосвал һ.б.

Тәүлек эчендә Татарстан башкаласы юлларына 1719 тонна бозлавыкка каршы катнашма, шул исәптән 161 тонна реагент һәм 1558 тонна ком-тоз катнашмасы сибелгән.

Бүген көндез, районнар администрацияләре мәгълүматлары буенча, Казан урамнарын кардан чистарту эшендә 600 юл хезмәте эшчесе һәм 385 махсус техника берәмлеге катнашачак.

Кышкы сезон башыннан Казан урамнарыннан барлыгы 455 меңгә якын тонна кар чыгарылган, дип хәбәр итә Тышкы төзекләндерү комитеты.

Шулай ук укыгыз

Барлык яңалыклар