Тәүлек эчендә 17 меңнән артык татарстанлы коронавируска каршы прививка ясаткан

Казанда яшәүче 78 яшьлек хатын-кыз вакцинаны ике миллионынчы булып ясаткан.

Фото: Марат Мугинов

(Казан шәһәре KZN.RU 27-нче ноябрь). Татарстанда 253 яңа COVID-19 авыруы теркәлгән, шуларның 3-се читтән кайтучыларда, калганнары – элемтә аша. 79 кеше хастаханәгә озатылган, 174 кеше өйләрендә дәвалана.

Авыручылар арасында 82 кеше – Казанда яши, 26 кеше – Яр Чаллыда, 14 кеше – Яшел Үзән районында, 12 кеше – Кукмара районында, 11 кеше – Биектау районында, 10 кеше – Буа районында, 9 кеше – Чүпрәле районында, 8-әр кеше – Арча һәм Саба районнарында, 6-шар кеше – Түбән Кама һәм Питрәч районнарында, 5 кеше – Тәтеш районында, 4-шәр кеше – Актаныш, Кайбыч, Чистай, Теләче районнарында, 3-әр кеше – Апас, Югары Ослан, Алабуга, Яңа Чишмә, Тукай районнарында, 2-шәр кеше – Бөгелмә, Зәй, Минзәлә, Лаеш, Норлат, Балык Бистәсе районнарында, 1-әр кеше – Әгерҗе, Азнакай, Аксубай, Алексеевск, Әлки, Әлмәт, Әтнә, Баулы, Балтач, Лениногорск, Мамадыш, Менделеевск, Спас районнарында.

27-нче ноябрьгә Татарстанда 37 мең 310 COVID-19 авыруы теркәлгән. Пандемиянең бөтен чорында 30 мең 989 кеше сәламәтләнгән, шул исәптән 261 кеше – узган тәүлектә. Республикада барлыгы 2 млн 14 мең 658 кеше вакцинацияләнгән (тәүлек эчендә үсеш – 17 мең 177 кеше), шулардан 1 млн 524 мең 620 кеше икенче прививканы ясаткан.

Казанның 18-нче номерлы поликлиникасында прививка ясаган 78 яшьлек Галина Вакилова вакцинаны ике миллионынчы булып ясаткан. Моңа кадәр пенсионер хатын коронавирус белән авырмаган, аның гаиләсендә барысы да вакцинацияләнгән. Галина Вакилованың хроник авырулары бар, шул исәптән онкология, дип хәбәр итә ТР Сәламәтлек саклау министрлыгы матбугат хезмәте.

Федераль оператив штаб мәгълүматы буенча, Россиядә бер тәүлек эчендә 33 мең 946 яңа авыру очрагы теркәлгән. Барлыгы илдә пандемия башыннан авыруның 9 млн 536 мең 825 очрагы ачыкланган, 8 млн 237 мең 465 кеше сәламәтләнгән.

Исегезгә төшерәбез, коронавирустан прививканы поликлиникаларда гына түгел, ә вакцинациянең мобиль пунктларында да ясатырга мөмкин. Алар мәдәният учреждениеләрендә, сәүдә үзәкләрендә, кредит оешмаларында һәм башка урыннарда урнашкан. Адреслары һәм аларның эш режимы KZN.RU порталында бастырылган.

Шулай ук укыгыз

Барлык яңалыклар