Бер тәүлектә шәһәр юлларын кардан чистартуда 1110 берәмлек махсус техника эшләде

Бер тәүлектә шәһәр юлларын кардан чистартуда 1110 берәмлек махсус техника эшләде

<p> </p> <div class="detail-picture"> <img src="https://kzn.ru/upload/iblock/509/5092285a48f04d44766dcc20302c85ea.jpg"> <p class="detail-picture__caption"> Фото: Денис Гордийко </p> </div> Казанда узган тәүлектә урам-юл челтәрен җыештыруга 1 110 берәмлек махсус техника һәм 692 юл эшчесе чыкты. Шул вакыт эчендә шәһәрдән 31,6 мең тонна кар чыгарылган. Юлларны эшкәртү өчен 268 тонна бозлавыкка каршы материал, шул исәптән 22 тонна реагент һәм 246 тонна ком-тоз катнашмасы кулланганнар. <p> </p> <p> Урам-юл челтәрен кардан чистарту һәм урамнарны бозлавыкка каршы материаллар белән эшкәртү эшләре көндез дә дәвам итәчәк. Бүген юлларны чистартуга 617 берәмлек техника һәм 578 эшче чыгачак, дип хәбәр итә Тышкы төзекләндерү комитеты. </p> <p> Кышкы чорда ТР башкаласыннан кар эретү пунктларына барлыгы 655,5 мең тонна кар чыгарылган, ә юлларны эшкәртүгә 45,5 мең тонна бозлавыкка каршы материал кулланылган. </p> <p> Юлларны һәм тротуарларны җыештыруга кагылышлы кисәтүләрне казанлылар <a target="_blank" href="https://t.me/kznhelpbot">@kznhelpbot</a> Телеграм ботына яисә +7(843)222-72-22 телефоны аша җибәрә алалар. </p> <p> Исегезгә төшерәбез, 30 гыйнвардан Казанда «Буран» планы<a target="_blank" href="https://kzn.ru/meriya/press-tsentr/novosti/v-kazani-ob-yavlen-plan-buran-na-borbu-so-snegopadom-mobilizovany-vse-gorodskie-sluzhby/?lang=ta">игълан ителде</a>, ул бүгенге көнгә кадәр гамәлдә. Карар шәһәрне көчле салкыннар башланганчы кискен кар явымы нәтиҗәләреннән чистарту зарурлыгы белән бәйле рәвештә кабул ителде. </p>

2026-02-04T09:08:25+0300