Тәүлек эчендә коронавирус Казанның тагын 23 кешесендә расланган

Республиканың 95,2 мең кешесе коронавируска каршы прививка ясаткан, шулардан 40 мең 882 кеше икенче дозаны алган.

Фото: Денис Гордийко

(Казан шәһәре KZN.RU, 10-нчы март). Татарстанда COVID-19 белән авыруның 50 яңа очрагы теркәлгән, шуларның берсе читтән кайтарылган, калганнары – контактлы. 22 кеше хастаханәгә озатылган, 28 кеше өйләрендә дәвалана.

Авыручылар арасында бер балигъ булмаган бала бар, 18 яшьтән 30 яшькә кадәрге 3 кеше, 19 кеше –30 яшьтән 50 яшькә кадәр, 5 кеше – 50 яшьтән 60 яшькә кадәр, 13 кеше – 60 яшьтән 70 яшькә кадәр, 5 кеше – 70 яшьтән 80 яшькә кадәр, 4 кеше – 80 яшьтән 90 яшькә кадәр.

23 кеше Казанда яши, дүртәр кеше – Яр Чаллы һәм Яшел Үзән районында, өчәр кеше – Арча һәм Норлат районнарында, икешәр кеше – Биектау, Лаеш, Менделеевск һәм Яңа Чишмә районнарында, берәр кеше – Буа, Югары Ослан, Чүпрәле, Питрәч һәм Тәтеш районнарында яши.

10-нчы мартка Татарстанда 18 мең 485 COVID-19 белән авыру очрагы теркәлгән. Пандемиянең бөтен чорында 15 мең 118 кеше сәламәтләнгән, шул исәптән 89 кеше – узган тәүлектә.

Коронавирус вакцинасы белән 95 мең 200 кеше прививка ясаткан, шулардан 40 мең 882 кеше икенче дозаны алган.

Федераль оператив штаб мәгълүматы буенча, Россиядә соңгы тәүлеккә коронавирус белән авыруның 9079 яңа очрагы ачыкланган. Барлыгы илдә 4 млн 351 мең 553 кеше авырган, 3 млн 945 мең 527 кеше сәламәтләнгән, 90 мең 275 кеше үлгән.

Шулай ук укыгыз

Барлык яңалыклар