Тәүлек эчендә коронавирус диагнозы 24 казанлыга куелган

12-нче июльдә Татарстан башкаласының сәүдә үзәкләренең берсендә СОVID-19-дан вакцинация пункты эшен башлап җибәрәчәк.

Фото: Денис Гордийко

(Казан шәһәре KZN.RU, 10-нчы июль). Татарстанда СОVID-19 авыруының 48 яңа очрагы теркәлгән, шуларның 3-се читтән кайтучыларда, калганнары – контактлы. 19 кеше хастаханәгә озатылган, 29-ы өйләрендә дәвалана.

Авыручылар арасында 24 кеше – Казанда, 15 кеше – Яр Чаллыда, 2 кеше – Азнакай районында, берәр кеше – Актаныш, Алабуга, Яшел Үзән, Менделеевск, Түбән Кама, Тукай һәм Ютазы районнарында яши.

10-нчы июльгә Татарстанда COVID-19 авыруының 22 мең 854 очрагы теркәлгән. Пандемиянең бөтен чорында 20 мең 448 кеше сәламәтләнгән, шул исәптән 31 – узган тәүлектә.

Республикада 655 мең 178 кеше вакцинацияләнгән (тәүлеккә үсеш – 16 мең 3 кеше), шулардан 429 мең 862 кеше икенче прививканы ясаткан, дип хәбәр итә ТР Сәламәтлек саклау министрлыгы матбугат хезмәте.

Шул ук вакытта, 12-нче июль көнне Казанда Мәскәү урамы, 2 адресы буенча урнашкан сәүдә үзәгендә вакцинация пункты эшли башлый. Алдан язылмыйча прививканы 10:00 сәгатьтән 20:00 сәгатькә кадәр ясатып булачак. Үзең белән паспорт һәм СНИЛС булырга тиеш, дип хәбәр ителә сәүдә үзәге сайтында.

Федераль оператив штаб мәгълүматы буенча, Россиядә тәүлек эчендә 25 мең 82 яңа авыру очрагы теркәлгән. Барлыгы илдә 5 млн 758 мең 300 кеше авырган, 5 млн 182 мең 837 кеше сәламәтләнгән, 142 мең 253 кеше үлгән.

Шулай ук укыгыз

Барлык яңалыклар