Тәүлек эчендә 107 казанлыга коронавирус диагнозы куелган

COVID-19-га каршы вакцинацияне 1,6 млн татарстанлы үтте.

Фото: Денис Гордийко

(Казан шәһәре KZN.RU, 1-нче ноябрь). Татарстанда 189 яңа COVID-19 белән авыру очрагы теркәлгән, шуларның 2-се читтән кергән, калганнары элемтә аша. 54 кеше хастаханәгә озатылган, 135 кеше өйләрендә дәвалана.

Авыручылар арасында – 107 Казан кешесе, 28 кеше – Яр Чаллыдан, 6 кеше – Чистай районыннан, бишәр кеше – Алабуга, Яшел Үзән, Лаеш, Түбән Кама, Спас районнарыннан, дүртесе – Лениногорск районыннан, икешәр очрак – Әтнә, Балтач, Бөгелмә, Мамадыш, Питрәч, Саба, Тукай районнарыннан, берәр – Әлмәт, Биектау, Зәй, Кукмара, Менделеевск районнарында.

1-нче ноябрьгә Татарстанда 30 мең 960 СОVID-19 авыруы теркәлгән. Пандемиянең бөтен чорында 25 мең 344 кеше савыкты, шул исәптән 39-ы – узган тәүлектә. Барлыгы 1 млн 578 мең 713 кеше вакцинацияләнгән (үсеш – 22 мең 102), шуларның 1 млн 39 мең 28-е икенче прививка алган.

Федераль оператив штаб мәгълүматы буенча, Россиядә тәүлеккә 40 мең 402 яңа авыру очрагы теркәлгән. Барлыгы илдә 8 млн 554 мең 192 кеше авырган, 7 млн 381 мең 726 кеше сәламәтләнгән.

Исегезгә төшерәбез, коронавирустан прививканы поликлиникаларда гына түгел, ә вакцинациянең мобиль пунктларында да ясартырга мөмкин. Алар мәдәният учреждениеләрендә, сәүдә үзәкләрендә, кредит оешмаларында һәм башка урыннарда урнашкан. Адреслары һәм эш вакытлары KZN.RU порталындагы махсус бүлектә бастырылды.

Шулай ук укыгыз

Барлык яңалыклар