Тәүлек эчендә коронавирус диагнозы 100 казанлыда расланган

COVID-19га каршы прививка ясаткан кешеләр саны 5 меңгә арткан.

Фото: Марат Мугинов

(Казан шәһәре KZN.RU, 13-нче декабрь). Татарстанда COVID-19 авыруының 187 яңа очрагы теркәлгән, шуларның өчесе читтән кайтучыларда, калганнары – контактлы. 66 кеше хастаханәгә озатылган, 121 кеше өйләрендә дәвалана.

Авыручылар арасында – Казаннан 100 кеше, 21 кеше – Яр Чаллыдан, 8 кеше – Яшел Үзән районыннан, 6 кеше – Түбән Кама районыннан, бишәр кеше – Алабуга, Норлат һәм Саба районнарыннан, дүртәр кеше – Биектау, Сарман, Тукай һәм Чистай районнарыннан, өчәр кеше – Әлмәт, Югары Ослан, Зәй, Лаеш һәм Питрәч районнарыннан, берәр кеше – Азнакай, Әлки, Лениногорск, Мөслим, Яңа Чишмә, Балык Бистәсе районнарыннан.

13-нче декабрьгә Татарстанда COVID-19 авыруының 40 мең 794 очрагы теркәлгән. Пандемиянең бөтен чорында 33 мең 849 кеше сәламәтләнгән, шул исәптән 41 кеше – узган тәүлектә.

Барлыгы 2 млн 223 мең 761 кеше вакцинацияләнгән (тәүлеккә үсеш – 4996), шулардан 1 млн 856 мең 987 икенче прививканы алган.

Федераль оператив штаб мәгълүматы буенча, Россиядә бер тәүлек эчендә 29 мең 558 яңа авыру очрагы теркәлгән. Илдә 10 млн 46 мең 454 кеше авырган, 8 млн 769 мең 916 кеше сәламәтләнгән.

Исегезгә төшерәбез, коронавирустан прививканы поликлиникаларда гына түгел, ә вакцинациянең мобиль пунктларында да ясарга мөмкин. Алар мәдәният учреждениеләрендә, сәүдә үзәкләрендә, кредит оешмаларында һәм башка урыннарда урнашкан. Адресы һәм эш режимы KZN.RU порталында бастырылган.

Шулай ук укыгыз

Барлык яңалыклар