Соңгы тәүлек эчендә 59 казанлыда СОVID-19 расланды

Татарстанда пандемия чорында коронавирус белән авырган 10533 кеше савыкты.

Фото: Марат Мугинов

(Казан шәһәре KZN.RU, 22-нче декабрь). Татарстанда 104 яңа COVID-19 белән заралану очрагы теркәлгән, шулардан 3-есе – читтән кайтучыларда, калганнары контактлылар. 22 кеше хастаханәгә озатылган, 82 кеше өйдә дәвалана.

Авыручылар арасында 8 балигъ булмаган бала, 18 яшьтән 30 яшькә кадәр 11 кеше, 37 кеше – 30 яшьтән 50 яшькә кадәр, 11 кеше – 50 яшьтән 60 яшькә кадәр, 18 кеше – 60 яшьтән 70 яшькә кадәр, 12 кеше – 70 тән 80 яшькә кадәр, 7 кеше – 80 яшьтән 90 яшькә кадәр.

59 кеше – Казанда, 13 кеше – Яр Чаллыда, 6 кеше – Әлмәт районында, 5кеше – Түбән Кама районында, өчәр кеше – Яшел Үзән һәм Лаеш районнарында, икешәр кеше – Апас, Буа, Лениногорск районнарында һәм берәр очрак – Әгерҗе, Азнакай, Зәй, Кукмара, Мамадыш, Питрәч, Саба, Сарман һәм Чистай районнарында.

22-нче декабрьгә Татарстанда барлыгы 12 мең 378 СОVID-19 белән авыру очрагы теркәлгән. Пандемиянең бөтен чорында 10 мең 533 кеше сәламәтләнде, шул исәптән 24 кеше – узган тәүлектә, дип хәбәр итә ТР Сәламәтлек саклау министрлыгының матбугат хезмәте.

Федераль оператив штаб мәгълүматы буенча, Россиядә бер тәүлек эчендә 28 мең 776 яңа авыру очрагы теркәлгән. Барлыгы илдә 2 млн 906 мең 503 кеше авырган, 2 млн 319 мең 520 кеше сәламәтләнгән, 51 мең 912 кеше үлгән.

Шулай ук укыгыз

Барлык яңалыклар