Узган атнада Казанда 398 бала туган

Яңа туган сабыйларга кушылган иң популяр исемнәр Роман, Иван, Әскәр, Михаил, Ева һәм Риана булган.

Фото: Денис Гордийко

(Казан шәһәре KZN.RU, 4 нче октябрь). Узган атнада, 26 нчы сентябрьдән 2 нче октябрьгә кадәр, Татарстан башкаласында 398 бала – 220 малай һәм 178 кыз туу теркәлгән. Иң зур авырлыктагы сабый 4700 грамм булса, иң кечкенә авырлыктагысы 680 грамм тәшкил иткән.

Сабыйларга иң еш кушылган исемнәр Роман, Иван, Әскәр, Михаил, Ева һәм Риана булган. Иң сирәк исемнәр арасында – Усман, Рамин, Эльмар, Әсгать, Алик, Василиса һәм Индира.

Шулай ук узган атнада 431 пар никахларын теркәгән, дип хәбәр иттеләр Казанның Гражданлык хәле актларын теркәү идарәсендә.

Шулай ук укыгыз

Барлык яңалыклар