Атна эчендә Казанның ашыгыч ярдәм хезмәтенә 9006 чакыру килгән

Атна эчендә Казанның ашыгыч ярдәм хезмәтенә 9006 чакыру килгән

<p> (Казан шәһәре KZN.RU, 2-нче апрель). 26-нчы марттан 1-нче апрельгә кадәрге атнада Казанның ашыгыч ярдәм хезмәтенә 9006 чакыру килгән, 1066 очрагы җәмәгать урыннарына бару белән бәйле.<br> </p> <p> Төрле авырулар сәбәпле ашыгыч ярдәмгә 7 мең 354 казанлы мөрәҗәгать иткән. Аерым алганда, көчле миокард инфаркты буенча 72 очрак һәм мидәге кан әйләнеше бозылу буенча 197 очрак теркәлгән. Бала табу очраклары уңаеннан табибларга 84 чакыру килгән. </p> <p> 830 чакыру бәхетсезлек очраклары белән бәйле. Юл-транспорт вакыйгалары белән бәйле очракларга 32 тапкыр чакыртылганнар, аларда 32 кеше зыян күргән, 19 кеше хастаханәгә озатылган. Янгын очракларына табиблар 23 тапкыр чакыртылган, биредә 4 кеше зыян күргән, дип хәбәр итә “Казанның ашыгыч медицина ярдәме станциясе” дәүләт автоном сәламәтлек саклау учреждениесе. </p> <p> Узган атна белән чагыштырганда, чакыруларның гомуми саны төрле авырулар, бәхетсезлек очраклары һәм бала табу очракларына чакыруларга бәйле рәвештә 503-кә кимегән. Янгыннарга чакырулар саны 3-кә арткан, көчле миокард инфарктына – 11-гә. Юл-транспорт һәлакәтләренә чакырулар саны 15-кә кимегән, мидәге кан әйләнеше бозылу очракларына – 8-гә, бала табуга – 6-га. Җәмәгать урыннарына чакырулар саны 180-гә кимегән. </p>

2018-04-02T11:30:48+0300