Узган атнада Казанда 358 бала туган

Сирәк исемнәр арасында – Рим, Анатолий, Идрис, Теодор, Эстелла, Афина һәм башкалар.

Фото: Казан шәһәре KZN.RU

(Казан шәһәре KZN.RU, 27 нче июнь). Узган атнада Казанда 358 бала туган: 176 малай һәм 182 кыз. Туганда иң кечкенә авырлыктагы бала 820 грамм булса, ә иң зур авырлыктагысы 4690 граммны тәшкил иткән.

Балаларга кушылган иң популяр исемнәр Әмир, Эмин, Арсений, Эмилия, Азалия, Ясминә булган. Сирәк исемнәр арасында – Рим, Анатолий, Идрис, Теодор, Эстелла, Афина, Эвия, Эллина.

Шул ук чорда 312 никах теркәлгән, дип хәбәр иттеләр Казан Башкарма комитетының Гражданлык хәле актларын теркәү идарәсендә.

Шулай ук укыгыз

Барлык яңалыклар