Атна эчендә Казанның ашыгыч ярдәм хезмәте җәмәгать урыннарына 1062 тапкыр чакыртылган

25 ноябрьдән 2 декабрьгә кадәр ашыгыч ярдәм хезмәтенә барлыгы 8424 чакыру килгән.

(Казан шәһәре KZN.RU, 3-нче декабрь). 25-нче ноябрьдән 2-нче декабрьгә кадәрге атнада Казанның ашыгыч ярдәм хезмәтенә 8424 чакыру килгән, шуларның 1062 очрагы җәмәгать урыннарына бару белән бәйле.

Төрле авырулар сәбәпле ашыгыч ярдәмгә 6629 казанлы мөрәҗәгать иткән. Аерым алганда, көчле миокард инфаркты буенча 68 очрак һәм мидәге кан әйләнеше бозылу буенча 179 очрак теркәлгән. Бала табу очраклары уңаеннан табибларга 83 чакыру килгән.

889 чакыру бәхетсезлек очраклары белән бәйле. Юл-транспорт вакыйгалары белән бәйле очракларга 43 тапкыр чакыртылганнар, аларда 53 кеше зыян күргән, 29 кеше хастаханәгә озатылган. Янгын очракларына табиблар 162 тапкыр чакыртылган, биредә 1 кеше зыян күргән.

Узган атна белән чагыштырганда, чакырулар саны 476-га кимегән. Чакырулар саны юл-транспорт һәлакәтләре (10-га), миокард инфаркты (7-гә) уңаеннан кимегән. Мидәге кан әйләнеше бозылу (23-кә), янгыннар (3-кә), балал табу очраклары (12-гә) уңаеннан чакырулар саны арткан. Җәмәгать урынарына чакырулар саны 178-гә кимегән, дип хәбәр итә “Казанның ашыгыч медицина ярдәме станциясе” дәүләт автоном сәламәтлек саклау учреждениесе.

Шулай ук укыгыз

Барлык яңалыклар